Plug and Play - მსოფლიოს ერთ-ერთი ყველაზე დიდი სტარტაპ აქსელერატორი, რომელიც 2006 წელს აშშ-ში დაფუძნდა, დღეს უკვე 50-ზე მეტ ქალაქშია წარმოდგენილი და 60-ზე მეტი აქსელერაციის პროგრამას ახორციელებს. მათი პორტფელი 2,500-ზე მეტ სტარტაპს აერთიანებს, რომლებმაც ჯამში 12 მილიარდ დოლარზე მეტი საინვესტიციო კაპიტალი მოიზიდეს. Plug and Play გლობალური ინოვაციების ეკოსისტემის ერთ-ერთი ყველაზე ძლიერ და გავლენიან მოთამაშედ ითვლება.

პროგრამა სრულად ფინანსდება საქართველოს ინოვაციების და ტექნოლოგიების სააგენტოს (GITA) მიერ.