Web Summit Lisbon 2026

Web Summit Lisbon, ევროპის ერთ-ერთი ყველაზე გავლენიანი ტექნოლოგიური და სტარტაპ ღონისძიება, ჩატარდება პორტუგალიის დედაქალაქში 2026 წლის ნოემბერში. ღონისძიება აერთიანებს 70,000-ზე მეტ მონაწილეს, 2,600+ სტარტაპს, 1,000+ ინვესტორს და 900+ სპიკერს 160-ზე მეტი ქვეყნიდან.

2026 წელს საქართველო მსოფლიოს ერთ-ერთ ყველაზე დიდ ტექნოლოგიურ ღონისძიებაზე,StartUP in Georgia-ს სახელით წარსდგება. ინიციატივის მიზანია საქართველოს სტარტაპ ეკოსისტემის საერთაშორისო ბაზარზე პოზიციონირება, როგორც ხელსაყრელი გარემოს მქონე ლოკაცია ინოვაციური და ტექნოლოგიური სტარტაპების შექმნისა და განვითარებისთვის.

ღონისძიების ფარგლებში, საქართველო ფიზიკური პავილიონის სახით იქნება წარმოდგენილი, სადაც მრავალი აქტივობა მოიყრის თავს. ამასთან, ქართული სტარტაპებისთვის, სტარტაპ სივრცეებში წარდგენის შესაძლებლობაც იქმნება.

არსებული კონკურსის მიზანია შეირჩეს სტარტაპები, რომლებიც წარდგებიან თავიანთი ინდუსტრიების შესაბამის საგამოფენო სივრცეებში. თითოეული შერჩეული სტარტაპის 3 გუნდის წევრის ღონისძიების ბილეთი იქნება უზრუნველყოფილი.

განაცხადების მიღება დაწყებულია, მონაწილეობის მისაღებად გთხოვთ შეავსოთ განაცხადი ბმულზე.